Sa oz doreza boksi të zgjedh? Udhëzuesi për 4 oz deri në 16 oz

Pyetja që marrim më shpesh në dyqan dhe në Instagram është: “Sa oz duhet të marr?” Përgjigjja varet nga tre gjëra: çfarë stërvitje bën, sa peshon dhe sa vjeç je. Më poshtë e shpjegojmë thjesht, me përvojën e një trajneri boksi.

Çfarë do të thotë “oz”?

Oz (ons) është pesha e dorezës. 1 oz është rreth 28 gram, pra një dorezë 12 oz peshon rreth 340 gram. Sa më e rëndë doreza, aq më shumë mbushje ka dhe aq më shumë mbron dorën tënde dhe partnerin.

Cilën peshë për çfarë stërvitjeje?

  • 4–6 oz: për fëmijë. Dorë e vogël, dorezë e lehtë që nuk i lodh krahët.
  • 8–10 oz: për të rinj, femra me dorë të vogël dhe për punë me thesin ose me paddles. Përdoren edhe në ndeshje.
  • 12 oz: doreza më e gjithanshme. Mirë për stërvitje të përgjithshme, thes dhe sparring të lehtë për persona deri në rreth 70 kg.
  • 14 oz: për sparring dhe për persona mbi 70 kg.
  • 16 oz: për sparring të fortë dhe për persona të rëndë. Mbron më shumë partnerin.

Këto janë orientime të përgjithshme. Trajneri yt mund të kërkojë peshë tjetër sipas palestrës dhe rregullave të garës.

Një dorezë apo dy?

Kush stërvitet rregullisht shpesh mban dy palë: një më të lehtë për thesin dhe një më të rëndë (14–16 oz) për sparring. Doreza e sparring-ut zgjat më shumë kur nuk përdoret për thes.

Mos harro fashat

Brenda dorezës vendosen gjithmonë fashat e boksit. Ato mbrojnë kyçin dhe kockat e dorës dhe e mbajnë dorezën të pastër më gjatë.

Disa modele Leone 1947 sipas peshës

Shiko të gjitha te koleksioni Doreza.

Nuk je i sigurt?

Na shkruaj në Instagram @leonestore.albania, na telefono në 069 604 5889 ose eja në dyqan, në Rrugën e Elbasanit pranë Ambasadës Amerikane, Tiranë. Të ndihmojmë të provosh dorezën para se ta blesh.